നിശ്ശബ്ദം
സി. സ്റ്റീഫന്‍
ശബ്ദമില്ലാത്തവന്‍റെ ഭാഷ
നിറവും മണവും സ്പര്‍‍ശവുമായി
യേശുക്രിസ്തുവിന്‍റെ കുരിശ്ശേറി വരുന്നു.
അവന്‍റെ നിശ്ശബ്ദമായ കിനാവുകള്‍‍ക്ക്
ഒരു നീലപ്പൊന്‍മാന്‍ പെറുക്കിക്കൂട്ടിയ
നീലനിറച്ചില്ലുകളുടെ സാന്ദ്രത .
അവന്‍റെ നിറമില്ലാത്ത നിശ്വാസങ്ങള്‍‍ക്ക്
വഴിയില്‍ വീണുപോകുന്ന
മുളയ്ക്കാത്ത വിത്തുകളുടെ വേനല്‍ .
അവന്‍ന്‍റെ നിലവിളികള്‍‍ക്കു
അറവുമാടിന്‍റെ കുരലില്‍ കുരുങ്ങിപ്പോകുന്ന
ശബ്ദമില്ലാത്ത തളര്‍ച്ച .
അവന്‍റെ പ്രണയത്തിന്
ഇണയില്ലാതെ ഒറ്റപ്പെട്ടുപോയ
കാട്ടുപോത്തിന്‍റെ നിരര്‍‍ത്ഥത.
അവന്‍റെ മരണത്തിനു
കുഴിമാടമില്ലാതെ മരവിച്ചുപോയ
കൊലക്കളത്തിന്‍റെ നിര്‍വ്വികാരത .
അതില്‍ ചിതലുകള്‍ പടര്‍ന്നുകയറി
ശബ്ദമില്ലാതെ ഒരു പുറ്റ്തീര്‍‍ക്കുന്നു .
അവന്‍റെ മരണത്തിനു
കുഴിമാടമില്ലാതെ മരവിച്ചുപോയ
കൊലക്കളത്തിന്‍റെ നിര്‍വ്വികാരത .
അതില്‍ ചിതലുകള്‍ പടര്‍ന്നുകയറി
ശബ്ദമില്ലാതെ ഒരു പുറ്റ്തീര്‍‍ക്കുന്നു .
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ